Maqsad va vazifalar

Ilmiy-amaliy "Oʻzbekiston Kardiologiyasi" jurnali 2006 yilda Respublika ixtisoslashtirilgan ilmiy-amaliy tibbiyot kardiologiya markazi va O‘zbekiston kardiologlari assotsiatsiyasi tomonidan tashkil etilgan. Dastlab jurnal bosma formatda chop etilgan, ammo 2024 yildan boshlab zamonaviy ilmiy nashr talablari asosida elektron shaklga o‘tgan.

"Oʻzbekiston Kardiologiyasi" jurnali – yurak-qon tomir kasalliklari bo‘yicha mutaxassislarga va kardiologiya sohasida tor ixtisoslashgan terapevtlarga mo‘ljallangan mustaqil nashrdir. Jurnal intervensiyon va klinik kardiologiyani rivojlantirishga hissa qo‘shuvchi original tadqiqotlar, sharhlar va tahliliy materiallarni chop etadi.

Maqsadli auditoriyaga yurak-qon tomir jarrohligi va transplantologiya, kardiologiya, ichki kasalliklar va tegishli yo‘nalishlar bo‘yicha mutaxassislar, shuningdek, shifokorlar va ordinatorlar kiradi.


Jurnal mavzulari

  • Ishemik yurak kasalligi va o‘tkir miokard infarkti
  • Yurak-qon tomir biomarkerlar
  • Yurak yetishmovchiligi va intensiv terapiya
  • Yurak-qon tomir vizualizatsiyasi
  • Elektrofiziologiya va aritmiya
  • Yurak-qon tomir kasalliklarining oldini olish
  • Trombokardiologiya
  • Yurak klapan patologiyalari
  • Yurakning tug‘ma nuqsonlari
  • Mertsatsion aritmiya va insult
  • Sport kardiologiyasi
  • Hujayrali va molekulyar kardiologiya
  • Yurak operatsiyalari
  • O‘pka qon aylanishi va o‘ng qorincha
  • Elektron kardiologiya / raqamli sog‘liqni saqlash

Nashr chastotasi

Yiliga 4 marta (mart, iyun, sentabr va dekabr)


Xalqaro standartlar

Jurnal ICMJE, CSE, WAME va COPE tomonidan belgilangan xalqaro tahririy siyosat va nashr etika standartlarini to‘liq qo‘llab-quvvatlaydi.

Ochiq kirish siyosati va mualliflik huquqlari: Jurnal onlayn versiyada bepul taqdim etiladi. Barcha onlayn kontent CС BY litsenziyalash doirasida foydalaniladi. Nashr etilgan maqolalar mualliflik huquqlari jurnalga tegishli.

Mas'uliyatdan voz kechish: Mualliflar taqdim etilgan va nashr qilingan maqolalar mazmuni, ma'lumotlarning to‘g‘riligi uchun to‘liq javobgardirlar; tahririyat va tahririyat hay’ati maqolalardagi fikrlar uchun javobgar emas.

Dori vositalariga oid mas'uliyatdan voz kechish: 

Jurnal muharrirlari va tahrir hay’ati dori vositalari, ularning savdo nomlari hamda maqolalar yoki reklamalarida tilga olingan har qanday tijorat mahsulotlariga nisbatan hech qanday aloqaga ega emas va ularni ma’qullamaydi. Muharrirlar va tahrir hay’ati imkon qadar maqolalarda keltirilgan dori vositalari, diagnostika va laboratoriya to‘plamlari hamda uskunalarini tekshiradi, eksperimental tadqiqotlarning to‘g‘ri taqdim etilishini nazorat qiladi va reklamaga oid ma’lumotlarning normativ siyosatlar hamda sanoat standartlariga muvofiqligini ta’minlaydi. Har qanday xatolik haqida xabar berish tavsiya etiladi.


Arxivatsiya

I-EDU GROUP LLC: Ilmiy jurnallar bazasi


Indekslash

"Oʻzbekiston Kardiologiyasi" jurnali maqolalari Google Scholar, Crossref, Crossref Similarity Check tizimlarida indekslanadi.


Tashkilotchi

O‘zbekiston kardiologlari assotsiatsiyasi


Moliyaviy siyosat

Jurnalga maqola chop etish mualliflar uchun bepul.

Tahririyat maqola tayyorlash, topshirish va chop etish uchun to‘lov olmaydi.


Oshkorlik siyosati va manfaatlar to‘qnashuvi

Ko‘rib chiqish uchun taqdim etilgan qo‘lyozmalardan olingan nashr etilmagan ma’lumotlar muallifning yozma roziligisiz shaxsiy tadqiqotlarda foydalanilmasligi kerak. Retsenziyalash jarayonida olingan va muayyan ustunliklar bilan bog‘liq bo‘lgan ma’lumot yoki g‘oyalar maxfiy saqlanishi va shaxsiy foyda olish maqsadida ishlatilmasligi lozim.

Retsenzentlar, agar mualliflardan biri, maqolada tilga olingan kompaniyalar yoki boshqa tashkilotlar bilan raqobat, hamkorlik yoki boshqa munosabatlar natijasida manfaatlar to‘qnashuvi yuzaga kelsa, ushbu qo‘lyozmalarni ko‘rib chiqishda ishtirok etmasliklari kerak.


Ko‘chirish va plagiat

"Oʻzbekiston Kardiologiyasi" jurnali tahririyati maqolalarni ko‘rib chiqish jarayonida Antiplagiat tizimi yordamida materialni tekshirishi mumkin. Agar maqolada ko‘plab o‘zlashtirish holatlari aniqlansa, tahririyat COPE qoidalariga muvofiq tegishli choralarni ko‘radi.


Preprint va postprint joylashtirish siyosati

Maqolani topshirish jarayonida muallif ushbu ish ilgari boshqa ilmiy jurnalda nashr etilmagan yoki chop etish uchun qabul qilinmaganligini tasdiqlashi kerak. "Oʻzbekiston Kardiologiyasi" jurnalida chop etilgan maqolalarga murojaat qilganda, nashriyot rasmiy jurnal saytiga (maqolaning to‘liq URL manzili) havola berishni talab qiladi.

Mualliflar tomonidan shaxsiy yoki ochiq platformalarda, boshqa nashriyotlarga tegishli bo‘lmagan veb-saytlarda avval joylashtirilgan maqolalar ko‘rib chiqish uchun qabul qilinadi.


Xulosa

Bo‘lim Elsevier nashriyoti fayllari (http://health.elsevier.ru/attachments/Editor/file/ethical_code_final.pdf) va Xalqaro nashriyot etikasi qo‘mitasi (COPE - http://publicationethics.org/) materiallari asosida tayyorlangan.

ISSN 3060-4850 (Print)