Ilmiy-amaliy jurnal “O‘zbekiston kardiologiyasi” — 2006-yilda Respublika ixtisoslashtirilgan ilmiy-amaliy kardiologiya tibbiyot markazi va O‘zbekiston kardiologlar assotsiatsiyasi tomonidan tashkil etilgan ilmiy-amaliy, taqrizdan o‘tuvchi jurnal hisoblanadi. Jurnal tashkil etilganidan buyon yurak-qon tomir tibbiyoti sohasidagi dolzarb ilmiy bilimlar va klinik tajribani tarqatish uchun professional platforma bo‘lib xizmat qilib kelmoqda. Dastlab bosma formatda nashr etilgan jurnal 2024-yildan boshlab ilmiy nashriyotning zamonaviy xalqaro standartlariga muvofiq to‘liq elektron nashr shakliga o‘tdi.
“O‘zbekiston kardiologiyasi” jurnali mustaqil professional nashr bo‘lib, klinik, intervensiyaviy va profilaktik kardiologiyani rivojlantirishga yo‘naltirilgan. Jurnalda original ilmiy maqolalar, tizimli va narrativ sharhlar, klinik tadqiqotlar, tahliliy materiallar va klinik holatlar chop etiladi.
Asosiy e’tibor yurak-qon tomir kasalliklarini tashxislash, davolash va oldini olish masalalariga qaratilgan bo‘lib, ular jumlasiga ishemik yurak kasalligi, arterial gipertenziya, ritm va o‘tkazuvchanlik buzilishlari, yurak yetishmovchiligi, tug‘ma va orttirilgan yurak nuqsonlari, shuningdek intervensiyaviy kardiologiya, kardiojarrohlik va transplantologiyaning zamonaviy usullari kiradi.
Jurnalning maqsadli auditoriyasiga kardiologlar, yurak-qon tomir va endovaskulyar jarrohlar, transplantologiya mutaxassislari, ichki kasalliklar shifokorlari, tibbiyot fanlari sohasidagi tadqiqotchilar, shuningdek kasbiy tayyorgarlikdan o‘tayotgan rezidentlar va aspirantlar kiradi. Chop etilayotgan materiallar amaliy qo‘llash, ilmiy tahlil va klinik faoliyatga joriy etish uchun mo‘ljallangan.
Ilmiy etika, shaffoflik va tadqiqotlarning qayta tiklanuvchanligi tamoyillariga amal qilgan holda, “O‘zbekiston kardiologiyasi” jurnali isbotlangan tibbiyotni rivojlantirishga, tibbiy yordam sifatini oshirishga va milliy ilmiy tadqiqotlarni xalqaro ilmiy makonga integratsiya qilishga intiladi.
Asosiy faoliyat yo‘nalishlari
“O‘zbekiston kardiologiyasi” jurnali kardiologiya sohasidagi keng ko‘lamli mavzularni qamrab olgan ilmiy tadqiqotlarni chop etish uchun platforma bo‘lib xizmat qiladi. Jurnal quyidagi yo‘nalishlar bo‘yicha akademik muloqot va ilmiy g‘oyalar almashinuvini rag‘batlantirishga qaratilgan.
ilmiy soha: Tibbiyot
Toifalar: kardiologiya va yurak-qon tomir tibbiyoti
Yo‘nalishlar ro‘yxati
- Ishemik yurak kasalligi va o‘tkir miokard infarkti
- Yurak-qon tomir biomarkerlari
- Yurak yetishmovchiligi va intensiv terapiya
- Yurak-qon tomir vizualizatsiyasi
- Elektrofiziologiya va aritmiya
- Yurak-qon tomir kasalliklarining oldini olish
- Trombokardiologiya
- Yurak klapanlari nuqsonlari
- Tug‘ma yurak nuqsonlari
- Milillovchi aritmiya va insult
- Sport kardiologiyasi
- Hujayraviy va molekulyar kardiologiya
- Yurak jarrohligi
- O‘pka qon aylanishi va o‘ng qorincha
- Elektron kardiologiya / raqamli sog‘liqni saqlash
Biz mualliflarni O‘zbekistonda ham, xalqaro darajada ham kardiologiya sohasida ilm-fan va amaliyotni rivojlantirishga hissa qo‘shuvchi original ilmiy maqolalarni topshirishga taklif qilamiz. Qo‘lyozmalarni tayyorlash va topshirish bo‘yicha batafsil talablar jurnalning rasmiy veb-saytida keltirilgan.
Nashr davriyligi
“O‘zbekiston kardiologiyasi” jurnali yiliga to‘rt marta chop etiladi. Bir sonida maqolalarning minimal soni — 4 ta, maksimal soni — 40 ta. Maqolalar yil davomida qabul qilinadi.
Ochiq kirish siyosati
“O‘zbekiston kardiologiyasi” jurnalida chop etilgan barcha maqolalar ochiq kirishda joylashtiriladi. Nashrlar Creative Commons Attribution-ShareAlike 4.0 International (CC BY 4.0). litsenziyasi asosida tarqatiladi.
Mualliflar o‘z ishlariga bo‘lgan mualliflik huquqlarini saqlab qoladilar. Ochiq kirish modeli obuna cheklovlarisiz ilmiy natijalarning global auditoriya uchun maksimal ko‘rinishini va mavjudligini ta’minlaydi.
Retsenziyalash tartibi
“O‘zbekiston kardiologiyasi” jurnali ilmiy retsenziyalashning yuqori standartlariga amal qiladi. Barcha kelib tushgan qo‘lyozmalar ikki tomonlama ko‘r retsenziyalash (double-blind peer review) jarayonidan o‘tkaziladi, bunda baholashning барча босқичларида mualliflar va retsenzentlarning shaxsi bir-biriga noma’lum bo‘lib qoladi.
Indeksatsiya
“O‘zbekiston kardiologiyasi” jurnalining maqolalari Google Scholar tizimida indekslanadi.
Ta’sischi
O‘zbekiston kardiologlar assotsiatsiyasi
Nashriyotchi
“O‘zbekiston kardiologiyasi” jurnalining nashriyotchisi — I-EDU GROUP LLC bo‘lib, u O‘zbekistonda yuqori sifatli ilmiy tadqiqotlar va nashrlarni rivojlantirishga yo‘naltirilgan tashkilotdir. Nashriyot bilimlarni tarqatish va ilmiy almashinuvni kengaytirishga qaratilgan ochiq kirish tamoyillarini qo‘llab-quvvatlaydi.
Etik majburiyatlar
“O‘zbekiston kardiologiyasi” jurnali ilmiy nashrlarning eng yuqori etik standartlariga amal qiladi va nashriyot etikasi sohasidagi yetakchi tashkilotlar tamoyillari hamda xalqaro e’tirof etilgan eng yaxshi amaliyotlarga rioya qiladi. Nashriyot etikasi bo‘yicha batafsil siyosat jurnal saytida joylashtirilgan.
Maqolani qayta ishlash to‘lovi (APC)
Ochiq kirish modeli doirasida “O‘zbekiston kardiologiyasi” jurnali nashrga qabul qilingan qo‘lyozmalar uchun 200 AQSh dollari miqdorida maqolani qayta ishlash to‘lovini (APC) belgilaydi. Maqola topshirish учун to‘lov olinmaydi.
APC retsenziyalash, tahririy ishlov berish, maqolani tayyorlash, onlayn joylashtirish va uzoq muddatli arxivlash xarajatlarini qoplaydi. Batafsil ma’lumot “Mualliflar uchun to‘lovlar” bo‘limida keltirilgan.
Biroq 2025-yilda barcha xarajatlar mualliflar uchun O‘zbekiston kardiologlar assotsiatsiyasi tomonidan qoplanadi va mualliflardan to‘lov olinmaydi.
Plagiat va noqonuniy o‘zlashtirish
“O‘zbekiston kardiologiyasi” jurnalining tahririy hay’ati taqdim etilgan materiallarni https://antiplagiat.ru/
tizimi yordamida tekshirish huquqiga ega. Agar plagiatning sezilarli darajasi aniqlansa, tahririyat COPE (Committee on Publication Ethics) qoidalariga muvofiq ish olib boradi.
